پاکستان تحریک انصاف کے آج ہونے والے احتجاج کو روکنے کیلئے وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کردی گئی
انتظامیہ نے پنجاب اور کے پی سے جڑواں شہروں کو آنے والے راستے کنٹینرز لگاکر بند کر دیے ہیں
رپورٹس کے مطابق مختلف شہروں میں خندقیں کھود کر شہر سے باہر نکلنے کے راستے بند کر دیے گئے ہیں۔
رینجرز کو تعینات کر دیا گیا ہے جبکہ سری نگر ہائی وے بھی زیرو پوائنٹ کے مقام پر بند کر دی گئی ہے۔
انٹرنیٹ سروس کی بندش
وزارت داخلہ نے انٹرنیٹ سروس کی بندش کے حوالے سے بیان جاری کردیا۔
ترجمان وزارت داخلہ کے مطابق صرف سکیورٹی خدشات والے علاقوں میں موبائل ڈیٹا اور وائی فائی سروس بندش کا تعین کیا جائے گا۔ملک کے باقی حصوں میں انٹرنیٹ اور موبائل سروس چلتی رہے گی