حکومت نے پیٹرول کی قیمت میں اضافہ کردیا
حکومت نے پیٹرول اور ڈیزل کی قیمت میں پھر اضافہ کردیا اور نئی قیمت کا اطلاق 14 اگست کے لیے ہوگا۔
جاری نوٹیفکیشن میں بتایا گیا ہے کہ آئل اینڈ گیس ریگیولیٹری اتھارٹی (اوگرا)نے حکومت کے پیٹرولیم مصنوعات کی قیمتوں میں ردوبدل کے طریقہ کار کی بنیاد پر نئی قیمتوں کا تعین کیا ہے۔
جاری نوٹیفکیشن کے مطابق پیٹرول کی فی لیٹر قیمت میں 45 پیسے کا اضافہ کرکے فی لیٹر قیمت 325 روپے 43 پیسے مقرر کردی ہے۔
ہائی اسپیڈ ڈیزل کی فی لیٹر قیمت میں ایک روپے 16 پیسے کا اضافہ کردیا گیا ہے، ڈیزل کی نئی قیمت 383 روپے 95 پیسے ہوگئی ہے
نوٹیفکیشن میں بتایا گیا کہ پیٹرولیم مصنوعات کی نئی قیمتوں کا اطلاق 14 اگست 2026 کے لیے ہوگا۔