سندھ اور بلوچستان کے مختلف علاقوں میں زلزلے کے شدید جھٹکے
کوئٹہ: سندھ کے ضلع دادو کے شہر سیتاروڈ و دیگر علاقوں میں زلزلے کے جھٹکے محسوس کیے گئے۔
بلوچستان کے ضلع خضدار اور گردونواح میں ہفتے کی صبح زلزلے کے شدید جھٹکے محسوس کیے گئے جس کے باعث شہری خوف زدہ ہوکر گھروں سے باہر نکل آئے۔
زلزلہ پیما مرکز کے مطابق زلزلہ صبح 5 بج کر 6 منٹ پر آیا، جس کی شدت 5.9 اور گہرائی 25 کلومیٹر ریکارڈ کی گئی۔ زلزلے کا مرکز خضدار سے 48 کلومیٹر شمال مغرب میں تھا۔
زلزلے کے شدید جھٹکوں کے باعث شہری کلمہ طیبہ کا ورد کرتے ہوئے کھلی جگہوں پر جمع ہوگئے، جبکہ خوف کے باعث کئی خاندان صبح تک گھروں سے باہر رہے۔