بلوچستان اور پختونخوا کی سرحد پر کوچ کھائی میں گرنے سے 40مسافر جاں بحق
کوچ میں ڈرائیور سمیت 36 افراد سوار تھے، لاشوں اور زخمیوں کو اسپتال منتقل کیا جا رہا ہے، امدادی سرگرمیاں جاری
کوئٹہ: بلوچستان اور خیبر پختونخوا کی سرحد پر کوچ گہری کھائی میں گرنے سے 40مسافر جاں بحق اور کئی زخمی ہو گئے۔
کوئٹہ سے پشاور جانے والی مسافر کوچ بلوچستان اور خیبر پختونخوا کی سرحد پر واقع دانہ سر کے مقام پر گہری کھائی میں گرنے سے خوفناک حادثے کا شکار ہو گئی۔
رپورٹ کے مطابق حادثے میں اب تک 40 مسافر جاں بحق جبکہ 10 افراد زخمی ہوئے ہیں۔ جاں بحق اور زخمی ہونے والوں میں خواتین اور بچے بھی شامل ہیں۔
بس انتظامیہ کے مطابق مسافر کوچ میں ڈرائیور سمیت 36 افراد سوار تھے۔ حادثے کی اطلاع ملتے ہی ضلع شیرانی کی انتظامیہ، ریسکیو ٹیمیں اور ایمبولینسز فوری طور پر جائے وقوع پر پہنچ گئیں
ریسکیو آپریشن میں ریسکیو 1122، فرنٹیئر کور (ایف سی)، پولیس، ضلعی انتظامیہ اور دیگر متعلقہ ادارے مشترکہ طور پر حصہ لے رہے ہیں۔