ترجمان حکومتِ سندھ سیدہ عقربہ فاطمہ کی رہنما پیپلز پارٹی فریال تالپور سے ملاقات
ترجمان حکومتِ سندھ اور پی ایس–102 سے پیپلز پارٹی کی ایم پی اے ٹکٹ ہولڈر سیدہ عقربہ فاطمہ نے فریال تالپور سے ملاقات کی
کراچی: ترجمان حکومتِ سندھ اور پاکستان پیپلز پارٹی (PPP) کی پی ایس–102 سے ایم پی اے ٹکٹ ہولڈر سیدہ عقربہ فاطمہ نے پاکستان پیپلز پارٹی ویمن وِنگ کی صدر اور سینیئر رہنما محترمہ فریال تالپور سے اہم سیاسی امور پر تفصیلی ملاقات کی۔
ملاقات کے دوران سیدہ عقربہ فاطمہ نے محترمہ فریال تالپور کو تنظیمی سرگرمیوں، حلقے کی سیاسی صورتحال اور کراچی میں پارٹی کی آئندہ سرگرمیوں کی تیاریوں سے آگاہ کیا۔
اس موقع پر پارٹی کی مضبوطی، عوامی روابط اور بنیادی سطح کے کارکنوں کے ساتھ رابطے کے حوالے سے مختلف امور کا جائزہ بھی لیا گیا۔
فریال تالپور نے پی ایس–102 میں سیدہ عقربہ فاطمہ کی سرگرم سیاسی جدوجہد اور مؤثر کردار کو سراہا اور کارکنوں و عوام کے ساتھ مسلسل رابطے کی اہمیت پر زور دیا۔
سیدہ عقربہ فاطمہ نے چیئرمین بلاول بھٹو زرداری کے وژن کے ساتھ اپنی مکمل وابستگی کا اعادہ کرتے ہوئے کہا کہ پی ایس–102 پوری طرح پارٹی کے مشن کے مطابق عوام کی خدمت، محنت اور ذمہ داری کے ساتھ بھرپور کردار ادا کرتا رہے گا۔