خواتین باہم معذوری کے لئے تاریخی سنگ میل
کراچی: بلوچستان صوبے میں پہلی بار جی بی وی سروس فراہم کرنے والے ادارے کے لیے ٹیکنیکل ایڈوائزری بورڈ (TAG) کا باضابطہ قیام عمل میں لایا گیا ہے۔
یہ بورڈ قومی ایکشن پلان برائے انسانی حقوق کے مؤثر نفاذ کی نگرانی کرے گا، خاص طور پر افراد باہم معذوری کی شمولیت پر توجہ دیتے ہوئے۔ یہ افراد باہم معذوری کے حوالے سے رسائی کے مطالعے کی معاونت کرے گا اور جی بی وی سروسز پر مشاورتی رہنمائی فراہم کرے گا۔
یہ بورڈ باقاعدہ اجلاس منعقد کرے گا اور شمولیت و رسائی کے اقدامات کو یقینی بنانے کے لیے سرکاری محکموں، اسپتالوں اور دیگر اداروں کو باضابطہ طور پر مطلع کر چکا ہے۔
ساتھ ہی یہ جی بی وی سروسز کا جائزہ لے گا تاکہ خواتین باہم معذوری کو تمام ضروری سہولیات تک بلا رکاوٹ رسائی حاصل ہو سکے۔
اس اہم اجلاس میں سرکاری حکام، ترقیاتی شراکت داروں، سول سوسائٹی کے نمائندوں اور افراد باہم معذوری کے حقوق کے لیے کام کرنے والے کارکنان نے شرکت کی تاکہ خواتین باہم معذوری اور لڑکیوں کے لیے جامع اور قابلِ رسائی جی بی وی سروسز کی فوری ضرورت کو اجاگر کیا جا سکے۔
اس موقع پر محکمہ سماجی بہبود کے سیکرٹری نے کہا "یہ اجلاس جامع جی بی وی ریسپانس سروسز کے قیام کی طرف ایک اہم قدم ہے۔ ہمارا عزم مضبوط ہے، افراد باہم معذوری بلا رکاوٹ انصاف اور تحفظ فراہم کرنا نہ صرف ایک قانونی حق ہے بلکہ ایک اخلاقی فریضہ بھی ہے۔”
یو این ایف پی اے کی معاونت اور دھالر فنڈ کے تحت، یہ ایڈوائزری بورڈ سرکاری شعبے کی جی بی وی سروسز — بشمول صحت، پولیس، عدلیہ/قانونی امداد، اور سماجی معاونت کی سہولیات جیسے شیلٹر ہومز، کرائسس سینٹرز اور ہیلپ لائنز — کا احاطہ کرے گا۔ اس کا مقصد رسائی میں موجود خلا کو شناخت کر کے ان سروسز کو مزید جامع بنانے کے لیے عملی تجاویز دینا ہے۔
ایونٹ سے قبل اسٹیپ کی ڈائریکٹر پروگرامز، آبیہ اکرم نے کہا خواتین باہم معذوری اور بچیاں سب سے زیادہ پسماندہ اور کمزور ہیں۔ یہ اقدام اس بات کو یقینی بنانے کی ایک اہم کوشش ہے کہ ان کے تحفظ کے لیے بنائی گئی سروسز ان کی ضروریات کے مطابق قابلِ رسائی اور مؤثر ہوں۔
اس مشترکہ کاوش کے نتائج بلوچستان میں سرکاری جی بی وی سروسز کی بہتری میں رہنمائی فراہم کریں گے۔ جائزے کے بعد، اسٹیپ، یو این ایف پی اے کی معاونت اور حکومتِ بلوچستان کے اشتراک سے ایک مشترکہ ایکشن پلان تیار کرے گا تاکہ شناخت شدہ مسائل کو پورا کیا جا سکے اور افراد باہم معذوری کے لیے جی بی وی سروسز کو مزید جامع اور مؤثر بنایا جا سکے.