سندھ حکومت نے پبلک پرائیویٹ پارٹنر شپ میں وفاق کو پیچھے چھوڑ دیا ہے:بلاول

کراچی: پاکستان پیپلز پارٹی کے چیئرمین بلاول بھٹو زرداری نے کہا ہے کہ سندھ حکومت نے پبلک پرائیویٹ پارٹنر شپ میں وفاق کو پیچھے چھوڑ دیا ہے، سندھ میں بچوں کی اموات کی شرح پاکستان میں سب سے کم ہے، تاہم تھر میں بچوں کی اموات کی شرح زیادہ ہے۔ ہمارے صحت کے شعبے میں ہونے والی تبدیلیوں کو عالمی سطح پر سراہا جا رہا ہے، سندھ کے ہر ضلع میں چائلڈ لائف ایمرجنسی کی سہولت شروع کرنا ہمارا خواب ہے۔

بلاول بھٹو زرداری نے سول اسپتال کراچی میں تقریب سے خطاب کرتے ہوئے کہا کہ پیپلز پارٹی عوام کی خدمت کر رہی ہے، سندھ حکومت بچوں کی صحت کے حوالے سے انقلابی اقدامات کر رہی ہے، سندھ میں بچوں کی اموات کی شرح 1.2 فیصد ہے، جب کہ دیگر صوبوں میں یہ شرح 1.4 فیصد ہے لیکن تھر میں بچوں کی اموات کی شرح زیادہ ہے۔ بچوں کی اموات میں نمایاں کمی ہوئی اور اب ہمارا خواب ہے کہ ہر ضلع میں چائلڈ لائف ایمرجنسی کی سہولت شروع کی جائے

چیئرمین پاکستان پیپلز پارٹی  بلاول بھٹو زرداری نے کہا کہ مجھے فخر ہے کہ سندھ حکومت نے پبلک پرائیویٹ پارٹنر شپ میں وفاق کو پیچھے چھوڑ دیا ہے۔ پبلک پرائیویٹ پارٹنر شپ کو بے نظیر بھٹو نے متعارف کرایا تھا آج سے میرا مطلب ہے کہ حکومت سندھ نے 15 سال پہلے سول اسپتال کے معیار کو تسلیم کیا اور لاڑکانہ کے یونیورسٹی نے سندھ میں بچوں کی اموات کی کم شرح کا بھی اعتراف کیا۔ یہ ایک بہت بڑی کامیابی ہے کہ نئے پیدا ہونے والے بچوں کی شرح اموات آغا خان ہسپتال کے سول ہسپتال کے مقابلے میں کم ہے

بلاول بھٹو زرداری نے کہا کہ یہ بات خوش آئند ہے کہ سندھ کے محکمہ صحت میں بہتری کو ملک کے دیگر صوبوں نے بھی اپنایا ہے، 18ویں ترمیم کے بعد ملتان، لاہور، کوئٹہ، گلگت بلتستان میں ایمرجنسی سینٹرز قائم کرنے کا فیصلہ کیا گیا ہے۔ صحت کی سہولتیں صوبوں کو دی جائیں، پورے ملک میں این آئی سی ایچ اور ایس آئی یو ٹی کی سہولتیں کامیاب ہیں۔ کردار ڈاکٹروں اور عملے کا ہے جنہوں نے بہتر خدمات فراہم کی ہیں۔