وزیراعلیٰ سندھ نے ملیر ایکسپریس وے سے رکاوٹے ہٹانے کا حکم دے دیا

کراچی: وزیراعلیٰ سندھ سید مراد علی شاہ نے میئر کراچی مرتضیٰ وہاب کے ہمراہ  ملیر ایکسپریس وے کا اچانک دورہ کیا۔

ترجمان وزیراعلیٰ سندھ  کے مطابق وزیراعلیٰ سندھ  نے ملیر ایکسپریس وے کے دورہ کا آغاز  کورنگی کاز وے سے کیا جہاں

پی ڈی ملیر ایکسپریس وے نیاز سومرو نے ان کا استقبال کیا

اس موقع پر نیاز سومرو نے وزیراعلیٰ سندھ کو ملیر ایکسپریس کے تعمیراتی کام کے حوالے سے بریفنگ دی؛

بریفنگ میں پراجیکٹ ڈائریکٹر نیاز سومرو نے بتایا کہ منصوبے  کی مجموعی لمبائی 38.89 کلومیٹر ہے جو کہ   جام صادق برج سے ہوتا ہوا کاٹھور برج تک ہے،منصوبہ  6 انٹر ایکسچینج  پر مشتمل ہے اور اس کا رائٹ آف وے 100 میٹر ہے۔تین پُلوں کے ساتھ ایک انڈر پاس کی  تعمیر  اس پراجیکٹ کا حصہ ہیں۔منصوبے  میں  2 ٹول پلازہ اور 5 ویٹ سیکشن  شامل ہیں،منصوبے  کا آغاز  12 مئی 2022 سے کیا گیا  جبکہ  11 نومبر 2024 تک اسے مکمل ہونا ہے۔کام میں رکاوٹوں کی وجہ سے اسے  30 جولائی 2025 تک مکمل کیاجائے گا۔

وزیراعلیٰ سندھ کو بتایا گیا کہ ملیر ایکسپریس وے  کا پہلا حصہ  کا کام مکمل  نہ ہونے کی وجہ کے الیکٹرک کی تنصیبات ہیں،کے الیکٹرک  کوکورنگی کاز وے سے اپنے ہیڈ پولز کو دوسری جگہ منتقل کرنا تھا  جو ابھی  تک نہ ہوسکا۔

وزیراعلیٰ سندھ نے کے الیکٹرک  کو اپنی تنصیبات  کو دوسرے مقام پر منتقل کرنے کی ہدایت دے دی؛

وزیراعلیٰ سندھ نے کہا کہ میں  نومبر۔ دسمبر کے درمیان ہر صورت ملیر ایکسپریس وے  کے قائد آباد سیگمنٹ کا افتتاح کروں گا۔

ترجمان کے مطابق وزیراعلیٰ سندھ نے کام کی رفتار تیز کرنے پر زور دیا اور کہا کہ مجھے منصوبہ جلد سے جلد مکمل چاہیے تاکہ لوگوں کو نقل و حمل میں آسانی ہو؛ وزیراعلیٰ سندھجو بھی انتظامات کرنے   ہیں ،میئر کراچی  اور انتظامیہ فوراً کر لیں۔

جام صادق برج  سے ملیر ایکسپریس وے کا زیرو پوائنٹ  ہے۔

وزیراعلیٰ سندھ  نے زیرو پوائنٹ  کا معائنہ کیا اور اس کو ملانے والے پُل  کے کام کا جائزہ لیا۔ اور شاہ فیصل  انٹرچینج کا بھی دورہ کیا۔

سید مراد علی شاہ کا کہنا تھا کہ روڈ کا پہلا سیگمنٹ  تقریباً مکمل  ہوچکا ہے۔کچھ مقامات  پر کنیکٹوٹی مکمل ہونا باقی  ہے۔

وزیراعلیٰ سندھ  نے قائد آباد ملیر ایکسپریس وے  پر تجاوزات  دیکھ کر برہمی کا اظہار کیا؛

وزیراعلیٰ سندھ نے ڈی سی  کورنگی  کو ہدایت دی کہ وہ غیر قانونی تعمیرات  ہٹا کر رپورٹ پیش کریں؛

وزیراعلیٰ سندھ  نے قائد آباد انٹر چینج  کے کام کا جائزہ لیا؛

وزیراعلیٰ سندھ کا انٹر چینج  پر جاری کام کو مزید تیز کرنے کی ہدایت۔