مریم اورنگزیب کی چین کے ڈپٹی ہیڈ آف مشن سے ملاقات
لاہورمیں سینئر صوبائی وزیر مریم اورنگزیب کی چین کے ڈپٹی ہیڈ آف مشن سے ملاقات ہوئی، جس میں پاک چین دوستی، سی پیک، معاشی ترقی، ماحولیاتی تحفظ، صحت اور تعلیم کے شعبوں میں تعاون بڑھانے پر تبادلۂ خیال کیا گیا۔
مریم اورنگزیب کا کہنا تھا کہ وزیراعلیٰ مریم نواز شریف کی قیادت میں پنجاب میں سرمایہ کاری، برآمدات اور گرین انرجی کے فروغ کے لیے اقدامات جاری ہیں۔
انہوں نے بتایا کہ چین کے تعاون سے اگلے سال بین الاقوامی ایئر کوالٹی کانفرنس منعقد کی جائے گی، جبکہ پنجاب میں فضائی آلودگی کی نگرانی کے لیے مانیٹرنگ اسٹیشنز کی تعداد 69 تک پہنچ گئی ہے۔ چینی ڈپٹی ہیڈ آف مشن نے پاک چین تعاون کے فروغ میں پنجاب حکومت کے کردار کو سراہا۔