واٹر بورڈ کے افسران و ملازمین شہریوں کو سہولیات فراہم کرنے کیلئے مصروف عمل ہے، سی ای او واٹر بورڈ
کراچی(اسٹاف رپورٹر) وزیر اعلیٰ سندھ اور وزیر بلدیات سندھ کی خصوصی ہدایات پر واٹر بورڈ فراہمی و نکاسی آب سے متعلق تمام مسائل ترجیحی بنیادوں پر حل کررہا ہے کیونکہ شہریوں کو فراہمی و نکاسی آب کی بہتر سہولیات فراہم کرنا ہماری اولین ترجیحات میں شامل ہے اس ضمن میں واٹر بورڈ کے تمام افسران و ملازمین شہریوں کو بہتر سہولیات فراہم کرنے کیلئے دن رات اپنے فرائض سر انجام دینے میں مصروف عمل ہے، ان خیالات کا اظہار سی ای او واٹر بورڈ انجینئر سید صلاح الدین احمد نے وزیر اعلی سندھ کے معاون خصوصی برائے کچی آبادی لیاقت آسکانی اور اسپیشل اسسٹنٹ ٹو سی ایم برائے ڈسٹرکٹ ویسٹ علی احمد جان کی سربراہی میں آنے والے وفد سے ایم ڈی سیکریٹریٹ کارساز میں ملاقات کے دوران کیا، رہنماؤں نے ملاقات کے دوران سی ای او واٹر بورڈ کو ڈسٹرکٹ ویسٹ میں درپیش فراہمی و نکاسی آب کے مختلف مسائل سے آگاہ کرتے ہوئے کہا کہ تمام مسائل کے حل کیلئے مؤثر اقدامات کیے جائیں، اس موقع پر سی ای او واٹر بورڈ نے رہنماؤں کو ملاقات دوران پیش کردہ فراہمی و نکاسی آب سے متعلق تمام شکایات کے فوری حل کی یقین دہانی کراتے ہوئے چیف انجینئر بلک سکندر زرداری، چیف انجینئر واٹر محمد حنیف بلوچ، سپرینٹنڈنٹ انجینئر غلام محمد حب، محمد ریاض، مصطفی مگھن سمیت دیگر متعلقہ افسران کو موقع پر ہی احکامات جاری کرتے ہوئے پابند کیا کہ رہنماؤں کی جانب سے پیش کردہ فراہمی و نکاسی آب کے تمام مسائل ترجیحی بنیادوں پر حل کرکے شہریوں کو بہتر سہولیات فراہم کی جائیں، سی ای او واٹر بورڈ کا ملاقات کے دوران کہنا تھا کہ وزیر اعلیٰ سندھ سید مراد علی شاہ اور وزیر بلدیات سندھ سید ناصر حسین شاہ کی خصوصی ہدایات پر واٹر بورڈ فراہمی و نکاسی آب سے متعلق تمام مسائل ترجیحی بنیادوں پر حل کررہا ہے تاکہ شہریوں کو کسی دشواری یا پریشانی کا سامنا نہ کرنا پڑے۔