ملک بھر میں ایم ڈی کیٹ ٹیسٹ 2026 لیا گیا،ایک لاکھ 38 ہزار 158 امیدوار رجسٹرڈ تھے۔
کراچی: کراچی سمیت ملک بھر میں میڈیکل اینڈ ڈینٹل کالج ایڈمیشن ٹیسٹ (ایم ڈی کیٹ) 2026 منعقد ہوا، جس کے لیے مجموعی طور پر ایک لاکھ 38 ہزار 158 امیدوار رجسٹرڈ تھے۔
پاکستان میڈیکل اینڈ ڈینٹل کونسل (پی ایم ڈی سی) کے مطابق سندھ میں ایم ڈی کیٹ کا انعقاد سیبا ٹیسٹنگ سروسز کے تحت کیا جا رہا ہے۔
سکھر آئی بی اے کے وائس چانسلر پروفیسر آصف احمد شیخ کے مطابق سندھ میں ایم ڈی کیٹ کے لیے 8 شہروں میں 9 امتحانی مراکز قائم کیے گئے ہیں۔
آئی بی اے یونیورسٹی سکھر کے پروفیسر آصف احمد شیخ سینٹر پر بیہوش ہوگئے جسے فوری طور پر طبی امداد دے کر ہوش میں لایا گیا۔
انہوں نے کہا کہ مسلسل کام کی وجہ سے بلیڈ پریشر لو ہوگیا تھا اب میری صحت بہتر ہے۔