ایران امریکا جنگ میں پاکستان کا کردار قیامت تک یاد رکھا جائیگا:خواجہ آصف
سیالکوٹ: وزیر دفاع خواجہ آصف نے کہا ہے کہ پاکستان نے صلح کروائی اور ساری امت کے سامنے سرخرو ہوا، پاکستان نے ایران جنگ میں جو کردار ادا کیا وہ قیامت تک یاد رکھا جائےگا۔
سیالکوٹ میں میڈیا سے گفتگو کرتے ہوئے خواجہ آصف نے کہا کہ یوم عاشور ایک ایسے موقع پر آیا ہے جب خطے میں ایک جنگ چھڑی ہوئی تھی، ایرانیوں نے سنت حسین اور کربلا کے شہدا کی یاد تازہ کر دی ہے۔پاکستان نے اس جنگ میں جو کردار ادا کیا وہ بھی قیامت تک یاد کیا جائےگا، پاکستان نے صلح کروائی اور ساری امت کے سامنے سرخرو ہوا۔
وزیر دفاع خواجہ آصف نے کہا کہ لبنان کے لوگ اسرائیل کے ظلم و ستم سے نجات پائیں گے اور دعا ہے کہ جہاں جہاں مسلمانوں پر ظلم ہو رہا ہے اللہ انہیں آزادی نصیب فرمائے۔