میئر کی سیٹ پر پاکستان پیپلز پارٹی کی نامزد امیدوار مرتضیٰ وہاب اور جماعت اسلامی کے حافظ نعم الحق میں کانٹے کا مقابلہ ہوا۔
غیر سرکاری و غیر حتمی نتیجے کے مطابق مرتضیٰ وہاب 173 ووٹ لے کر کامیاب ہوئے، جماعت اسلامی کیے حافظ نعیم الحق 161 ووٹ لے سکے۔
آرٹس کونسل کراچی کے آڈیٹوریم کو الیکشن کمیشن کی جانب سے پولنگ اسٹیشن قرار دیا گیا تھا، جہاں ووٹنگ کے لیے اراکین کی آمد صبح 9 بجے سے جاری رہی۔
300 سے زائد ارکان کے پولنگ اسٹیشن پہنچنے کے بعد آڈیٹوریم کے دروازے بند کردیے گئے ۔ ذرائع کا کہنا ہے کہ پی ٹی آئی کے 33 ارکان غیر حاضر ہیں۔
پولنگ اسٹیشن کے باہر سیاسی جماعتوں کے کارکنان کی بڑی تعداد موجود تھی، جو نعرے بازی کرتی رہی۔
پٹی میئر کی سیٹ پر پاکستان پیپلز پارٹی کے نامزد امیدوار سلمان عبداللہ مراد نے جماعت اسلامی کے سیف الدین ایڈووکیٹ کو شکست دی۔