گھوٹکی(رپورٹ: جبار مھر) گھوٹکی کے کچے میں مزاحمت پر 2 مغویوں کو ڈاکوؤں نے قتل کر دیا۔
رونتی کے علاقے میں ڈاکوؤں اور مغوی کے درمیان جھڑپ کا واقعہ پیش آیا ہے۔
پولیس کے مطابق ایک یرغمال مغوی نے اسلحہ چھین کر ایک ڈاکو کو ہلاک اور دوسرے کو زخمی کر دیا تھا جس کے بعد ہلاک و زخمی ڈاکوؤں کے ساتھیوں نے دونوں مغویوں کو گولیاں مارکر قتل کر دیا۔
بتایا جا رہا ہے کہ ڈاکؤں کو پاس 6 مغوی تھے جن میں سے دو کو انہوں نے قتل کردیا، جو پنجاب کے رہائشی بتائے جارہے ہیں۔
پنجاب پولیس مغویوں کی لاشیں وصول کرنے کے کیلئے کچے میں جا چکے ہے۔
پولیس کے مطابق مارے جانے والے ڈاکو نتھو شر 7 ماہ پہلے شہید ہونے والے 5 پولیس اہلکاروں کے واقعے میں ملوث تھا۔