عالمی بینک کے اعلیٰ سطحی وفد کا یلو لائن بی آر ٹی منصوبے کے سائٹ آفس اور تعمیراتی کام کا تفصیلی دورہ
کراچی: عالمی بینک کے اعلیٰ سطحی وفد نے یلو لائن بی آر ٹی منصوبے کے سائٹ آفس اور جام صادق پل کے قریب جاری تعمیراتی کام کا تفصیلی دورہ کیا۔
سینئر وزیر شرجیل انعام میمن، سیکریٹری ٹرانسپورٹ اسد ضامن اور ایم ڈی سندھ ماس ٹرانزٹ اتھارٹی کمال دایو نے وفد کا استقبال کیا
سائیٹ آفس آمد پر اعلٰی سطح کا اجلاس، سینئر وزیر شرجیل انعام میمن نے وفد کو یلو لائن بی آر ٹی کے حوالے سے تفصیلی بریفنگ دی
اجلاس کے موقع پر سینئر وزیر شرجیل انعام میمن نے یلو لائن بی آر ٹی منصوبے کی افادیت، اہمیت اور پیشرفت پر روشنی ڈالی
، شرجیل انعام میمن نے کہا کہ یلو لائن بی آر ٹی کراچی کا ایک اسٹریٹیجک اور وژنری منصوبہ ہے، جس کا مقصد عوام کو تیز، سستی اور محفوظ سفری سہولت دینا ہے۔یہ منصوبہ شاہراہِ نورجہاں سے کورنگی انڈسٹریل ایریا اور لانڈھی تک محیط ہوگا، روزانہ لاکھوں افراد مستفید ہوں گے۔
سینئر صوبائی وزیر نے کہا کہ یلو لائن نہ صرف شہریوں کی نقل و حرکت کو بہتر بنائے گی بلکہ معاشی سرگرمیوں کو بھی فروغ دے گی۔ہم چاہتے ہیں کہ منصوبہ عالمی معیار کے مطابق مکمل ہو۔ اس میں سہولتوں کو عالثمی شہروں جیسا بنایا جا رہا ہے۔ہم چاہتے ہیں کہ یلو لائن بی آر ٹی میں صرف الیکٹرک بسیں چلیں تاکہ یہ منصوبہ مکمل طور پر ماحول دوست ہو۔ ہم نے پاکستان میں پہلی بار ای وی بسیں اور خواتین کے لیے پنک بس سروس متعارف کروائی، جو اب کامیابی سے چل رہی ہیں۔
شرجیل انعام میمن نے کہا کہ ایک وی بسوں سے ماحولیاتی آلودگی میں کمی آئے گی، فیول اخراجات میں بھی خاطر خواہ بچت ہو گی،ہم خواتین کو بااختیار بنانے کے لیے ایک وی اسکوٹر اسکیم لا رہے ہیں۔ اب تک 8 ہزار سے زائد خواتین نے درخواست دی ہے، ایک فوڈ چین کمپنی بھی تربیت میں ہمارے ساتھ کام کر رہی ہے تاکہ خواتین کو مکمل طور پر تیار کیا جائے۔ یہ صرف ٹرانسپورٹ نہیں، یہ سماجی انقلاب کی بنیاد ہے،کراچی سرکلر ریلوے اور کراچی تا سکھر ہائی اسپیڈ ریل منصوبے پر بھی کام جاری ہے۔
ورلڈ بینک کے وفد نے یلو لائن بی آر ٹی منصوبے کی رفتار، معیار اور وژن کو سراہا، کراچی جیسے بڑے شہر میں مزید ٹرانسپورٹ منصوبوں کی ضرورت پر زور
وفد کا پبلک پرائیویٹ پارٹنرشپ ماڈل پر بھی دلچسپی کا اظہار، حکومت سندھ کے اقدامات کو مثبت قرار دیا
وفد نے جام صادق پل کے قریب یلو لائن بی آر ٹی کے جاری تعمیراتی کام کا دورہ کیا، سینئر وزیر شرجیل انعام میمن نے وفد کو منصوبے کے مختلف پہلوؤں پر بریفنگ دی
ملاقات کے موقع پر سینئر وزیر شرجیل انعام میمن نے معزز مہمانوں کو شیلڈز اور سندھی ثقافت اجرک اور ٹوپی کے تحائف بھی پیش کئے
ورلڈ بینک کے وفد میں ریجنل وائس پریزیڈنٹ مسٹر عثمان دیونی، کنٹری ڈائریکٹر برائے پاکستان بولورما آمنگابازار، ریجنل پریکٹس ڈائریکٹر فادیہ سعاده، ریجنل پریکٹس ڈائریکٹر المود ویٹز، آپریشنز مینیجر گیلیوس ڈراوگیلس، اسپیشل اسسٹنٹ ٹو ریجنل وائس پریزیڈنٹ لوبنا حاجی، آپریشنز آفیسر حنا سلیم لوٹیا، اور سینئر ایگزیکٹو اسسٹنٹ مسٹر ولید انور شامل تھے۔