سندھ حکومت نے کراچی کی 25 ٹاؤنز میں پارکنگ فیس ختم کردی
کراچی: میئر کراچی مرتضیٰ وہاب کا شہر بھر میں پارکنگ مفت کرنے کا خواب پورا ہوگیا
سندھ حکومت نے 25 ٹاؤنز میں جاری پارکنگ فیس مکمل ختم کرنے کا نوٹیفکیشن جاری کیا۔ شہر کی تمام سڑکوں پر چارجڈ پارکنگ فیس لینے پر مکمل طور پر پابندی عائد کی گئی ہے۔
پارکنگ فیس اب صرف پلازہ، پلاٹس یا مخصوص کونسلز کے مخصوص علاقوں میں لی جائے گی
تمام ٹاؤن میونسپل کارپوریشنز کو فیس ختم کرنے اور فوری عملدرآمد کی ہدایات بھی کی گئی ہے۔
محکمہ بلدیات کی ہدایت پر پارکنگ فیس ختم کرنے کی باضابطہ مہم کا آغاز ہوچکا ہے۔غیر قانونی طور پر شہریوں سے پارکنگ فیس لینے والوں کے خلاف کارروائی کی جائے گی
چیف منسٹر سندھ کی ہدایت پر محکمہ بلدیات نے باضابطہ نوٹیفکیشن جاری کردیا ہے
میئر کراچی مرتضیٰ وہاب کا کہنا ہے کہ پارکنگ فیس کا خاتمہ عوامی مفاد میں کیا گیا، شہر بھر میں اب کوئی بھی ادارہ سڑکوں پر پارکنگ فیس وصول نہیں کرسکے گا۔سندھ حکومت نے پارکنگ فیس پر پابندی کو فوری نافذالعمل کرنے کا حکم جاری کردیا ہے۔ شہر کی مرکزی 46 سڑکوں پر پارکنگ مفت، بقیہ علاقوں میں بھی عمل جاری ہے۔پارکنگ فیس وصولی بند نہ کرنے والی میونسپل اتھارٹیز کے خلاف فوری ایکشن لیا جائے گا۔پارکنگ مافیا کیخلاف قانونی کارروائی کا آغاز، غیرقانونی فیس لینے والوں کو نہیں بخشا جائے گا۔کے ایم سی کے علاوہ تمام ادارے اب شہر میں پارکنگ فیس نہیں لے سکیں گے۔