اسپیکر قومی اسمبلی سردار ایاز صادق کا مادر ملت فاطمہ جناح کی 58 ویں برسی کے موقع پر پیغام
اسپیکر قومی اسمبلی کا محترمہ فاطمہ جناح کو ملک و ملت کے لیے خدمات پر خراجِ تحسین
اسپیکر سردار ایاز صادق نے اپنے پیغام میں کہا کہ محترمہ فاطمہ جناح ایک باہمت، بااصول اور بلند حوصلہ شخصیت کی مالک تھیں، مادرِ ملت کا کردار خواتین کے لیے عزم، حوصلے اور رہنمائی کا سر چشمہ ہے۔
اسپیکر قومی اسمبلی سردار ایاز صادق نے کہا کہ محترمہ فاطمہ جناح، قائداعظم محمد علی جناح کی جان نثار اور دستِ راست بہن تھیں،تحریکِ آزادی کے ہر مرحلے میں محترمہ فاطمہ جناح قائداعظم کے شانہ بشانہ رہیں۔محترمہ فاطمہ جناح خواتین کی تحریکِ آزادی کی صفِ اول کی رہنما تھیں
سردار ایاز صادق نے کہا کہ قیامِ پاکستان کے بعد محترمہ فاطمہ جناح نے عملی سیاست میں بھرپور کردار ادا کیا،فاطمہ جناح عوام، بالخصوص خواتین کی فلاح و بہبود کے لیے ہمیشہ سرگرم رہیں۔محترمہ فاطمہ جناح کی قومی خدمات کو تاریخ میں یاد رکھا جائے گا۔
اسپیکر قومی اسمبلی کی اللہ تعالی سے مادر ملت محترمہ فاطمہ جناح کے درجات کی بلندی کے لیے دعا۔