کراچی: لیاری ٹاؤن میونسپل کارپوریشن کے میونسپل کمشنر (ایم سی) حماد این ڈی خان نے کہا ہے کہ پاک فوج نے جس طرح ہمارے سر فخر سے بلند کیے اس کی کوئی مثال نہیں ملتی۔ پاکستانی شہری ہونے کے ناطے میں بہت خوشی محسوس کررہا ہوں۔
سوشل میڈیا اکاؤنٹس پر اپنی وڈیو میں کہا کہ نوجوانوں نے ثابت کر دیا کہ ہم کتنے بہادر ہیں، وہ ڈرون اڑا رہے تھے اور شہری انہیں پکڑ کر لاٹھیوں سے مار رہے تھے جو کہ بہادری کی بات ہے۔
انہوں نے کہا کہ بھارتی میڈیا نے بھی حد کر دی ہے جس کو جھوٹ بولتے ہوئے شرم بھی نہیں آئی۔ دنیا نے دیکھ لیا کہ بھارتی فوج اور میڈیا اب سر اٹھانے کے قابل نہیں رہے۔
حماد این ڈی خان نے کہا کہ یہ ٹریلر تھا اگر بھارت نے اب دوبارہ حرکت کی تو اسے بھرپور اور پہلے سے بھی زیادہ طاقتور جواب دیا جائے گا۔ ہر چیز کا حل بات چیت میں ہے۔ ہم جنگ نہیں چاہتے لیکن اگر جنگ کرو گے تو نتائج کے لیے تیار رہو۔