واٹر بورڈ فراہمی و نکاسی آب سے متعلق مسائل حل کررہا ہے، انجینئر اسداللہ خان

کراچی (اسٹاف رپورٹر) وزیر اعلیٰ سندھ اور وزیر بلدیات سندھ کی خصوصی ہدایات پر واٹر بورڈ فراہمی و نکاسی آب سے متعلق تمام مسائل ترجیحی بنیادوں پر حل کررہا ہے اس ضمن میں واٹر بورڈ کے تمام افسران و ملازمین شہریوں کو بہتر سہولیات فراہم کرنے کیلئے دن رات اپنے فرائض سر انجام دینے میں مصروف عمل ہے کیونکہ شہریوں کو فراہمی و نکاسی آب کی بہتر سہولیات فراہم کرنا ہماری اولین ترجیحات میں شامل ہے  ہے۔ ان خیالات کا اظہار سی او او واٹر بورڈ انجینئر اسداللہ خان نے لیاری ٹاؤن اور پہاڑ گنج یوسی 20 نارتھ ناظم آباد ٹاؤن کے علاقہ مکینوں اور شہریوں سے ایم ڈی سیکریٹریٹ کارساز میں ملاقات کے دوران کیا۔

 شہریوں نے ملاقات کے دوران سی او او واٹر بورڈ کو لیاری ٹاؤن اور پہاڑ گنج یوسی 20 نارتھ ناظم آباد ٹاؤن میں درپیش فراہمی و نکاسی آب کے مختلف مسائل سے آگاہ کرتے ہوئے کہا کہ تمام مسائل کے حل کیلئے مؤثر اقدامات کیے جائیں۔  اس موقع پر سی او او واٹر بورڈ نے شہریوں کو ملاقات دوران پیش کردہ فراہمی و نکاسی آب سے متعلق تمام شکایات کے فوری حل کی یقین دہانی کراتے ہوئے متعلقہ افسران کو موقع پر ہی احکامات جاری کرتے ہوئے پابند کیا کہ علاقہ مکینوں کی جانب سے پیش کردہ فراہمی و نکاسی آب کے تمام مسائل ترجیحی بنیادوں پر حل کرکے شہریوں کو بہتر سہولیات فراہم کی جائیں، سی او او واٹر بورڈ کا ملاقات کے دوران کہنا تھا کہ وزیر اعلیٰ سندھ سید مراد علی شاہ اور وزیر بلدیات سندھ سید ناصر حسین شاہ کی خصوصی ہدایات پر واٹر بورڈ فراہمی و نکاسی آب سے متعلق تمام مسائل ترجیحی بنیادوں پر حل کررہا ہے تاکہ شہریوں کو کسی دشواری یا پریشانی کا سامنا نہ کرنا پڑے۔