شہرمیں بے دردی سے لوگوں کو ڈمپر کچل رہے ہیں:گونر سندھ

کراچی: گورنر سندھ کامران خان ٹیسوری نے کہا کہ شہر کراچی کو نظر لگ گئی ہے، شہر میں بے دردی سے لوگوں کو ڈمپر کچل رہے ہیں۔

گورنر سندھ کامران ٹیسوری نے میڈیا سے گفتگو کرتے ہوئے کہا کہ پانی، گیس اوربجلی ناپید ہو چکی ہے۔اگر بل آرہے ہیں اور بجلی، گیس نہیں آرہی تو کیا آواز نہ اٹھائیں؟ اگر روزگار نہیں مل رہا، روڈ، راستے نہیں بن رہے تو کیا کریں۔

کامران ٹیسوری کامزید کہنا تھاکہ میں پیپلز پارٹی کے خلاف یا وزیر کے خلاف کوئی تنقید نہیں کر رہا، جب تک عوام کے مسائل حل نہیں ہوں گے تو ہم ساتھ کھڑے رہیں گے۔