اسلام آباد: قذافی کے بعد نیشنل سٹیڈیم کراچی بھی چیمپئنز ٹرافی کی میزبانی کیلئے پوری طرح تیار ہے
چیئرمین پی سی بی کی ذاتی مانیٹرنگ، ورکرز کی دن رات محنت، 120 روز میں منصوبہ مکمل کردیا گیا
نیشنل سٹیڈیم کراچی کا افتتاح کل شام کو ہوگا،رنگارنگ افتتاحی تقریب ہوگی. عوام کا داخلہ مفت ہو گا،آتش بازی اور لائٹس شو کا شاندار مظاہرہ بھی کیا جائے گا۔
چیئرمین پی سی بی محسن نقوی نے کہا ہے کہ نیشنل سٹیڈیم کراچی کی تعمیر میں حصہ لینے والے مزدوروں کی محنت کو سراہتا ہوں،ایف ڈبلیو او۔ نیسپاک۔ کنٹریکٹر اور پی سی بی کی پوری ٹیم نے انتھک محنت سے کام کیا
محسن نقوی کا کہنا ہے کہ شائقین کرکٹ اور کھلاڑیوں کیلئے عالمی معیار کی سہولتوں کا اضافہ کیا گیا ہے.چیمپئنز ٹرافی کی ٹیمز کے کھلاڑیوں کو بہترین سہولتیں فراہم کریں گے۔