کراچی: سندھ کے سینئر وزیر اور صوبائی وزیر اطلاعات، ٹرانسپورٹ اور ماس ٹرانزٹ شرجیل انعام میمن نے کہا کہ ملکی معیشت کا بڑا حصہ تاجر اور صنعتکار ہیں، تاجر اور صنعت کار سب سے زیادہ ٹیکس دیتے ہیں، صنعتیں لاکھوں لوگوں کو روزگار فراہم کرتی ہیں اور تاجر برادری کو سب سے زیادہ سہولیات فراہم کرنے کی ضرورت ہے۔ تاکہ ملکی معیشت میں بہتری کے ساتھ روزگار کے مزید مواقع پیدا ہوں۔
کورنگی ایسوسی ایشن آف ٹریڈ اینڈ انڈسٹریز کی جانب سے سینئر وزیر شرجیل انعام میمن کے اعزاز میں دیئے گئے ظہرانے کے موقع پر خطاب کرتے ہوئے سندھ کے سینئر وزیر شرجیل انعام میمن نے کہا کہ حکومت تاجروں کے مسائل حل کرنے میں سنجیدہ ہے۔
لوگ اہمیت کو سمجھتے ہیں، ملکی معیشت کا بڑا حصہ تاجر اور صنعتکار ہیں، تاجر اور صنعت کار سب سے زیادہ ٹیکس دیتے ہیں، صنعتیں لاکھوں لوگوں کو روزگار فراہم کرتی ہیں اور تاجر برادری کو سب سے زیادہ سہولیات فراہم کرنے کی ضرورت ہے۔ تاکہ ملکی معیشت میں بہتری کے ساتھ روزگار کے مزید مواقع پیدا ہوں۔
ان کا کہنا تھا کہ قومی معیشت کو سہارا دینے، روزگار اور سرمایہ کاری میں اضافے اور روزگار کے نئے مواقع پیدا کرنے کے لیے حکومت نے نجی افراد کو صنعتی زونز کے قیام کی کھلی پیشکش کی ہے۔ صدر آصف علی زرداری، چیئرمین بلاول بھٹو زرداری اور وزیراعلیٰ سندھ کو تاجروں کے مسائل سے آگاہ کروں گا۔
صوبائی وزیر شرجیل انعام میمن کا کہنا تھا کہ دھابیجی اسپیشل اکنامک زون تاجروں کے لیے ایک سنہری موقع ہے اور دھابیجی اسپیشل اکنامک زون سی پیک سے منسلک ہے جس سے تمام تاجروں اور صنعتکاروں کو بہت فائدہ ہوگا۔ملیر ایکسپریس وے کا افتتاح دو روز میں ہونے جا رہا ہے اس کا افتتاح چیئرمین بلاول بھٹو زرداری کریں گے۔