محکمہ موسمیات نے ایک بار پھر سندھ بھر میں بارش کا امکان ظاہر کردیا ہے۔
محکمہ موسمیات کے مطابق کل سے مرطوب ہوائیں خلیج بنگال سے ملک کے بالائی حصوں میں داخل ہوں گی۔ مغربی لہر کے ملک کے مغربی حصوں پر اثرانداز ہونے کا امکان ہے۔
سسٹم کے تحت سندھ بھر میں 3 اور 4 ستمبر کو گرج چمک کے ساتھ بارش کا امکان ہے۔
محکمہ موسمیات کا کہنا ہے کہ سمندری طوفان اسنیٰ جنوب مغرب کی جانب بڑھ رہا ہے جو کراچی کے جنوب سے 500 کلو میٹر دور ہے۔