اسلام آباد: دفتر خارجہ نے تھران میں حماس کے سربراہ اسماعیل ہنیہ کے قتل کی مذمت کی ہے۔
ترجمان دفتر خاجہ کا کہنا ہے کہ پاکستان تھران میں حماس کے سربراہ اسماعیل ہنیہ کے قتل کی مذمت کرتا ہے۔
جاری بیان میں ترجمان دفتر خاجہ کا کہنا تھا کہ ہنیہ کے اہلخانہ اور فلسطینی عوام سے تعزیت کا اظہار کرتے ہیں۔ پاکستان ہر طرح کی دہشتگردی کی مزمت کرتا ہے۔ ہمیں اس حملے کے وقت پر شدید حیرت ہے۔
ترجمان دفتر خارجہ کا کہنا تھا کہ پاکستان ماورائے عدالت اور ماورائے علاقہ، سرحد کسی بھی دہشتگردی کی مذمت کرتا ہے،یہ حملہ اس وقت کیا گیا جب ایران کے نئے صدر نے حلف اٹھالیا، اس تقریب میں پاکستان کے ڈپٹی وزیراعظم بھی موجود تھے۔