سئی سدرن گیس کمپنی( ایس ایس جی سی) کے مطابق کل کراچی کے مختلف علاقوں میں گیس بند رکھی جائے گی۔
جاری علامیے کے مطابق 31 کلو میٹر گیس پایپ لائن کو سسٹم سے جوڑا جائے گا جس کی وجہ سے اتوار صبح 05 بجے سے پیر صبح 05 بجے تک مختلف علاقوں میں گیس کی فراہمی بند رکھی جائے گی۔
سرجانی ٹاؤن، نارتھ کراچی کے تمام سیکٹرز اور منگھوپیر، قصبہ کالونی، اورنگی ٹاؤن، نارتھ ناظم آباد میں گیس بند رہے گی۔
جاری علامیے کے مطابق ایف بی ایریا، گلبرگ، بفرزون، سائیٹ انڈسٹریل ایریا، بلدیا اور ماڑی پور میں بھی گیس کی فراہمی بند رکھی جائے گی۔
گلشن معمار، احسن آباد، سائیٹ سپر ہائی وے اور اطراف میں گیس کی فراہمی معطل رہے گی۔