کراچی: محرم الحرام تمام عالم اسلام کے لئے نہایت عقیدت و احترام کا مہینہ ہے یہ اسلامی سال کا پہلا اور اس سانحہ کی عکاسی کرتا ھے کہ باطل قوتوں سے بر سر پیکار سیدنا امام حسین اور انکے بہتر جانثاروں نے حق کا پرچم بلند کرتے ھوئے جام شہادت نوش کیا ان خیالات کا اظہار چیئرمین گلبرگ ٹاؤن نے محرم الحرام کی تیاری کے حوالےسے اجلاس کی صدارت کرتے ہوئے کیا
اس موقع پر ان کے ہمراہ ٹاؤن میونسپل کمشنر عبدالحمید سہاگ وائس چیئرمین محمد الیاس بھی موجود تھے، اجلاس میں تمام محکمہ جاتی افسران نے ہفتے میں ہونے والے کارکردگی کی رپورٹ پیش کی
چیئرمین گلبرگ ٹاؤن نصرت اللہ کی ہدایت پر تمام یوسی چیئرمین اور افسران نے گلبرگ ٹاؤن کی حدود میں موجودتمام امام بارگاہوں ومساجد اورجلوس کی گذرگاہوں کا معائینہ کیا چیئرمینز نے مساجد و امام بارگاہوں کے منتظمین سے ملاقات کی
ٹاؤن چیئرمین نے کہا کہ عاشورہ محرم الحرام کے دوران عزاداران کو بہترین بلدیاتی سہولیات کی فراہمی کیلئے علماء کرام اور امام بارگاہوں کے منتظمین کی مشاورت سے انتظامات کو قبل از وقت مکمل کرنے کیلئے تمام تر موجود وسائل کو بروئے کار لایا جائے گا موقع میں موجود منتظمین نے امام بارگاہوں کے اطراف صفائی ستھرائی، روشنی کی فراہمی،و نکاسی آب کی درستگی اور جلوس کی گذرگاہوں پر ضروری نوعیت کے کاموں کی نشاندہی کی
اس موقع پر تمام بلدیاتی افسران کی موجودگی میں چیئرمین نے صفائی ستھرائی، تعمیر و مرمت اور جلوسوں کی گزرگاہوں میں روشنی کی فراہمی کیلئے جلدازجلد اقدامات کرنے کی ہدایت کی ٹاؤن چیئرمین نے منتظمین کو یقین دھانی کراتے ہوئے کہا کہ گزشتہ سال کے تجربات کی روشنی میں اس سال اور بہتر سہولیات فراہم کرینگے اور عزادران حسین کو طبی اور بلدیاتی سہولتیں مہیا کرینگے۔ ہمارے افسران منتظمین سے مکمل رابطے میں ہیں اور انکی نشاندہی پر تعمیر و مرمت کا کام کیا جارہاہے شاہراہوں اور جلوس کے گزرگاہوں کو صاف ستھرا،ہموار اور بلدیاتی کیمپ لگائے جائینگے تاکہ ھمارے افسران و ملازمین اپنی رضا کارانہ خدمات عزاداروں کو دے سکے۔