جمعیت علما اسلام کے سربراہ مولانا فضل رہنما نے حماس رہنما اسماعیل ہنیہ کے بیٹوں اور پوتوں کی اسرائیلی حملے میں شہادت پر شدید الفاظ میں مذمت کرتے ہوئے انہیں تعزیتی خط ارسال کردیا۔
مولانا فضل الرحمان نے اسماعیل ہنیہ کے نام بھیجے گئے خط میں اپنی اور جمعیت علما اسلام کی جانب سے بیٹوں اور پوتوں کی شہادت پر تعزیت کرتے ہوئے لواحقین کے لیے صبر جمیل اور شہدا کی کامل مغفرت کے لیے دعا بھی کی۔
اپنے خط میں مولانا فضل الرحمان کا کہنا تھاکہ قائدین کے خاندان اور بچوں کو نشانہ بنانا دشمن کی ناکامی کا اعتراف ہے۔
انہوں نے کہا کہ شہدا کا خون رائیگاں نہیں جائے گا، ہم حماس کی جہادی کوششوں کی تائید کرتے ہیں۔