صدر مملک ڈاکٹر عارف علوی اور نگران وزیراعظم انوار الحق کاکڑ نے قوم اور امت مسلمہ کو دل کی اتھاہ گہرائیوں سے مبارک باد پیش کی ہے۔
نگران وزیراعظم نے اپنے پیغام میں کہا ہے کہ نبی اکرم ﷺ کی سیرت ہمدردی، رواداری اورمحبت کی تابندہ مثال ہے۔جس میں احسان، انصاف اور صلہ رحمی کا درس ملتا ہے۔
انھوں نےکہاکہ آپ ﷺ کی ہمہ گیر اور جامع الصفات سیرت تاقیامت ہر انسان کے لئے قابلِ تقلید ہے۔
صدرڈاکٹر عارف علوی نے قوم کو عید میلادالنبی کی مبارکباد دیتے ہوئے کہا ہے کہ حضرت محمد صلی اللہ علیہ وسلم کی حیات مقدسہ ہمارے لیے کھلی کتاب کی صورت ہے، سرکار دوعالم صلی اللہ علیہ وسلم کی تعلیمات سے زندگی کے ہر گوشے میں انقلاب برپا ہوا۔