کراچی میں میڈیا سے گفتگو کرتے ہوئے نگران وزیر صنعت گوہر اعجاز کا کہنا تھا کہ کرنسی مستحکم ہوئی ہے تو اس کے نتائج بھی اچھے آئیں گے، ڈالر کی قدر کم ہونے سے عوام کو ریلیف ملے گا۔
ان کا کہنا تھا کہ غیر قانونی طور پر باہر ڈالر بھیجنے والوں کو روکنے سے بہتری آئی ہے، انٹر بینک اور اوپن مارکیٹ میں ڈالر کی قدر کم ہوئی ہے، اقدامات کی وجہ سے کرنسی اپنی جگہ پر آگئی ہے
گوہر اعجاز کا کہنا تھا کہ امید ہے پہلی تاریخ کو پیٹرول کی قیمتوں پر خوشخبری آئے گی۔