اسلام آباد:ایران کے وزیر داخلہ سکندر مومنی نے وفاقی وزیرداخلہ محسن نقوی سے ٹیلی فونک رابطہ کیا۔
ایرانی وزیر داخلہ نے پاکستان میں سیلاب سے ہونے والے جانی و مالی نقصان پر اظہار افسوس کرتے ہوئے جاں بحق افراد کے لواحقین سے دلی ہمدردی و تعزیت کا اظہار کیا ہے۔
ایرانی وزیر داخلہ سکندر مومنی نے کہا کہ مشکل کی اس اگھڑی میں پاکستانی حکومت اور عوام کے ساتھ کھڑے ہیں۔ایران سیلاب متاثرین کی ہر طرح کی مدد کے لیے حاضر ہے۔
ایرانی وزیر داخلہ سکندر مومنی نے وزیرداخلہ محسن نقوی سے ایرانی صدر مسعود پزشکیان کے 26 جولائی کو دورہ پاکستان کے حوالے سے بھی بات چیت کی۔
ایرانی وزیر داخلہ سکندر مومنی نے حالیہ دورہ ایران پر وزیر داخلہ محسن نقوی کا شکریہ ادا کیا۔
وزیرداخلہ محسن نقوی نے کہا کہ ایران کے صدر مسعود پزشکیان کے دورہ اسلام آباد کے منتظر ہیں۔