کراچی: سندھ کے ضلع خیرپور کے رہائشی نوجوان نے نوشہروفیروز پولیس کے خلاف کراچی پریس کلب کے باہر احتجاج کیا۔
عرفان علی راجپر نے اپنے بھائی فرحان اور بہنوئی مجیب الرحمان کے ہمراہ احتجاج کرتے ہوئے میڈیا کو بتایا کہ ڈی ایس پی محراب پور ، ایس ایچ او اہلکاروں نے بیگناہ گرفتار کرکے جرم منوانے کیلئے تشدد کیا۔
نوجوان عرفان علی راجپر نے ڈی ایس پی محراب پور اظہر لاہوری اور ایس ایچ او یاسر کھوسو پر الزام عائد کرتے ہوئے کہا کہ 4 دن تک ایک نجی جگہ پر رکھا اور بے گناہ تشدد کیا جس میں ایک ٹانگ بھی توڑدی۔
نوجوان عرفان علی راجپر نے اعلیٰ حکام سے تشدد میں ملوث پولیس عملداروں اور اہلکاروں کے خلاف کارروائی کی اپیل بھی کی۔