اسلام آباد میں میڈیا سے گفتگو کرتے ہوئے وزیردفاع خواجہ آصف کا کہنا تھا کہ 9 مئی کو فوجی تنصیبات پر ہونے والے حملوں سے لیکر اب تک شواہد مل رہے ہیں کہ تحریک انصاف نے باقاعدہ پلاننگ کے ساتھ حملے کیے۔، اور تحریک انصاف پر پابندی لگانے کا جائزہ لیا جارہا ہے، اس حوالے سے پارلیمنٹ کو اعتماد میں لیا جائے گا۔
انہوں نے کہا کہ پی ٹی آئی نے عسکری و سرکاری تنصیبات پر حملہ عمران خان کا آخری حربہ تھا اس کے گھناؤنے عزائم تھے جو دشمن کے ہو سکتے ہیں۔
وزیر دفاع کا کہنا تھا کہ عمران خان نے فوج کو اپنا حریف سمجھ لیا ہے۔ 9 مئی کےواقعات میں ریاست کی رٹ کوچیلنج کیا گیا، گرفتار ملزمان خود قبول کررہے ہیں کہ حملے کی منصوبہ بندی پہلے سے کررکھی تھی۔