اسی فیصد امکان ہے کہ کل مجھے گرفتار کیا جائے گا، عمران خان

لاہور: پاکستان تحریک انصاف (P T I) کے چیئرمین اور سابق وزیر اعظم عمران خان نے کہا ہے کہ ’اس بات کے 80 امکانات ہیں کہ مجھے گرفتار کیا جائے گا، اس وقت قانون کی حکمرانی نہیں ہے،  سب کچھ صرف ہماری جمہوریت کو ختم کرنے کے لیے کیا جا رہا ہے،

سی این این کو انٹرویو دیتے ہوئے انہوں نے کہا کہ  10 ہزار سے زیادہ کارکنوں کو گرفتار کیا گیا جبکہ میری پوری سینئر قیادت جیل میں ہے۔ مجھ پر قاتلانہ حملے ہوئے اور قتل کی کوشش کی وجہ یہ تھی کہ پی ڈی ایم ضمنی انتخابات ہار چکے تھے اور پی ٹی آئی زیادہ سے زیادہ مقبول ہو رہی تھی،پی ٹی آئی کی حکومت کے آخری چھ ماہ کے دوران انہیں اقتدار سے ہٹانے کی کوششیں کی گئیں۔