کراچی: ٹاؤن چیئرمین منگھوپیر حاجی نواز علی بروہی کی فیضانِ مدینہ آمد اور رکنِ شوریٰ حضرات سے ملاقات ہوئی۔
اس موقع پر حاجی نواز علی بروہی کا کہنا تھا کہ ہزاروں عاشقانِ رسول کا ایک ماہ کے تربیتی اعتکاف میں شریک ہونا ایک بڑی سعادت کی بات ہے، جہاں وہ اللہ کے گھر میں عبادت اور روحانی تربیت حاصل کر رہے ہیں۔ اس طرح کے اجتماعات سے دینی شعور اجاگر ہوتا ہے اور لوگوں کو نیکی کے راستے پر گامزن ہونے کا موقع ملتا ہے۔
انہوں نے کہا کہ یہ ایک بہت خوبصورت اور روحانی ماحول کی عکاسی کرتا ہے، فیضانِ مدینہ میں ہونے والا یہ تربیتی اعتکاف عاشقانِ رسول کے لیے ایک بہترین موقع ہے کہ وہ اپنی روحانی اور دینی تربیت کریں۔
حاجی نواز علی بروہی نے کہا کہ ایسے اجتماعات ایمان کو تازگی بخشتے ہیں اور اسلامی تعلیمات کو عام کرنے میں اہم کردار ادا کرتے ہیں۔ دینی ماحول میں رہنے سے انسان کے اخلاق، کردار اور عبادات میں بہتری آتی ہے، اور وہ دین کی خدمت کے لیے مزید جذبے کے ساتھ آگے بڑھتا ہے۔
ٹاؤن چیئرمین منگھوپیر حاجی نواز علی بروہی نے کہا کہ عاشقانِ رسول صہ اس موقع کو غنیمت جانیں، زیادہ سے زیادہ عبادت کریں، قرآن و حدیث کی روشنی میں اپنی زندگیوں کو سنواریں، اور نیکی کی دعوت کو عام کریں۔ آخر میں، انہوں نے دعا کی کہ اللہ تعالیٰ ہم سب کو دین پر استقامت عطا فرمائے اور ہمیں نیک کاموں کی توفیق دے۔
اس موقع پر ان کے ساتھ ارکان شوریٰ حاجی لقمان عطاری، اویس رضا عطاری ،و دیگر معززین بھی موجود تھے ۔