وزیراعظم میان محمد شہباز شریف نے شمالی بحرہ عرب میں کامیاب انسداد منشیات آپریشن پر پاک بحریہ کو خراج تحسین پیش کیا ہے۔
وزیراعظم نے کہا کہ پی این ایس معاون نے 10 لاکھ ڈالر مالیت کی منشیات کی کھیپ ضبط کی،انسداد منشیات کی مہم میں یہ ایک انتہائی اہم سنگ میل ہے۔
وزیراعظم میان محمد شہباز شریف نے کہاکہ بحری دفاع اور سمگلنگ کی روک تھام میں پاک بحریہ کا اہم کردار ہے۔قوم کو پاک بحریہ کے جوانوں پر فخر ہے۔