اسلام آباد: تحریک انصاف کے وائس چیئرمین شاہ محمود قریشی اور جنرل سیکریٹری اسد عمر کو پولیس نے گرفتار کرلیا۔
پی ٹی آئی کے جنرل سیکرٹری اور سابق وفاقی وزیر خزانہ اسد عمر کو پولیس نے اسلام آباد ہائی کورٹ رٹ برانچ کے قریب گیٹ سے گرفتار کیا گیا جبکہ پولیس نے شاہ محمود قریشی کو بھی اسلام آباد سے گرفتار کیا گیا ہے۔
تحریک انصاف کے وکیل فیصل چوہدری ایڈووکیٹ نے کہا ہے کہ ہائی کورٹ کے احاطے سے اسد عمر کو گرفتار کیا گیا ہے۔
وکیل فیصل چوہدری نے کہا کہ ہائیکورٹ کے چھوٹے گیٹ سے اسد عمر کو گرفتار کیا گیا اور کس مقدمے میں گرفتاری ہوئی، اس حوالے سے ابھی کچھ معلوم نہیں ۔