جامعہ کراچی نے ایسوسی ایٹ ڈگری ان کامرس سال اول ریگولر وپرائیوٹ اورایسوسی ایٹ ڈگری ان سائنس سال اول کے نتائج کا اعلان کردیا
ناظم امتحانات جامعہ کراچی ڈاکٹر سید ظفرحسین کے مطابق ایسوسی ایٹ ڈگری ان کامرس(اے ڈی سی)سال اول ریگولر وپرائیوٹ اورایسوسی ایٹ ڈگری ان سائنس (اے ڈی ایس) سال اول سالانہ امتحانات برائے 2023 ء کے نتائج کا اعلان کردیا گیا ہے۔
نتائج کے مطابق ایسوسی ایٹ ڈگری ان کامرس ریگولر سال اول کے امتحانات میں 4169 طلبہ شریک ہوئے،481 طلبہ کو کامیاب قراردیاگیا جبکہ 3688 طلبہ ناکام قرارپائے۔کامیابی کا تناسب 11.54 فیصدرہا۔
ایسوسی ایٹ ڈگری ان کامرس سال اول پرائیوٹ کے امتحانات میں 557 طلبہ شریک ہوئے،50 طلبہ کو کامیاب قراردیاگیا جبکہ 507 طلبہ ناکام قرارپائے۔کامیابی کا تناسب 8.98 فیصدرہا۔
ایسوسی ایٹ ڈگری ان سائنس سال اول کے امتحانات میں 523 طلبہ شریک ہوئے،93 طلبہ کو کامیاب قراردیاگیا جبکہ 430 طلبہ ناکام قرارپائے۔کامیابی کا تناسب 17.78 فیصدرہا۔