چیئرمین منگھوپیر ٹاؤن حاجی نواز علی بروہی کی کی رکن قومی اسمبلی سیدہ شاہدہ رحمانی سے ملاقات
کراچی: چئیرمین منگھوپیر ٹاؤن حاجی محمد نواز بروہی کی سیکریٹری ویمن پارلیمنٹری کاکس و رکن قومی اسمبلی ڈاکٹر سیدّہ شاہدہ رحمانی سے قومی اسمبلی کے دفتر میں ملاقات کی۔
چئیرمین منگھوپیر ٹاؤن حاجی محمد نواز بروہی نے ڈاکٹر شاہدہ رحمانی سے درخواست کی کہ منگھوپیر روڈ کی تعمیر کے لیے وزیراعظم پاکستان میاں محمد شہباز شریف سے خصوصی درخواست کریں۔ انہوں نے کہا کہ منگھوپیر روڈ کی تعمیر طویل عرصے سے تعطل کا شکار ہے اور اسے فوری بنیادوں پر مکمل کیا جانا نہایت ضروری ہے۔
اس موقع پر حاجی نواز بروہی نے وزیراعظم پاکستان کے نام منگھوپیر روڈ کی تعمیر کے حوالے سے ایک خط بھی ڈاکٹر شاہدہ رحمانی کو پیش کیا۔
ڈاکٹر شاہدہ رحمانی نے یقین دہانی کرائی کہ وہ وزیراعظم پاکستان سے منگھوپیر روڈ کی تعمیر کے معاملے پر ضرور بات کریں گی اور اس معاملے کو ترجیحی بنیادوں پر حل کرانے کی کوشش کریں گی۔
اس ملاقات میں یوسی-۱۲ گلشن معمار کے چیئرمین سید ہلال سعید رحمانی بھی موجود تھے۔