کراچی: سندھ ٹیکسٹ بک بورڈ کے چیئرمین سید سردار علی شاہ کی خصوصی ہدایات پر سندھ ٹیکسٹ بک بورڈ انتظامیہ کی جانب سے تشکیل دی گئی ٹیموں نے سندھ کے سرکاری اسکولوں میں بچوں کو مفت نصابی کتب کی فراہمی کے عمل کا جائزہ لینے کے لیے کام شروع کردیا ہے۔ عبدالعلیم لاشاری کی جانب سے تشکیل دی گئی ٹیموں نے ضلع اور تعلقہ کی سطح پر سندھ کے سرکاری اسکولوں کو بھیجی گئی نصابی کتب کا جائزہ لینے کے لیے اپنے دورے شروع کردیے ہیں۔
ٹیموں نے تعلقہ کی سطح پر کتابوں کی تقسیم کے لیے کتابوں کے لیے تیار کیے گئے گوداموں کا جائزہ لیا جہاں انھوں نے بقیہ کتابیں اسکولوں کے بچوں کے ہاتھ میں پہنچانے کی ہدایات دیں۔ ٹیموں نے مختلف اسکولوں کا دورہ بھی کیا اور بچوں کو مفت نصابی کتب ملنے یا نہ ملنے کے بارے میں معلومات حاصل کیں۔
اس حوالے سے سندھ ٹیکسٹ بک بورڈ جامشورو کے چیئرمین عبدالعلیم لاشاری کا کہنا تھا کہ سندھ کے وزیر تعلیم سید سردار علی شاہ سندھ ٹیکسٹ بک بورڈ نصابی کتب کی چھپائی کا عمل شروع کریں گے اور ہر بچے کے ہاتھ میں مفت درسی کتابیں پہنچائیں گے، ہم چاہتے ہیں کہ ہر بچہ تعلیم حاصل کرے۔ سندھ کے لوگوں کو تعلیم دی جائے اور مفت درسی کتابیں فراہم کی جائیں۔