سوشل میڈیا پر مہوش حیات کا پُرانا انٹرویو وائرل ہورہا ہے جس میں اُنہوں نے جیون ساتھی کی خوبیوں کے بارے میں کُھل کر بات کی۔
مہوش حیات نے کہا کہ مرد مجھ سے ڈرتے ہیں، آج تک کسی بھی مرد نے میرے ساتھ سنجیدگی سے تعلقات استوار کرنے کی کوشش نہیں کی
انہوں نے کہا کہ مردوں کو لگتا ہے کہ میں بہت غصے والی ہوں، اسی وجہ سے وہ مجھ سے دور رہتے ہیں۔
مہوش حیات نے جیون ساتھی کی خوبیوں کے بارے میں بات کرتے ہوئے کہا کہ چاہتی ہوں کہ میرا شوہر مالی طور پر مستحکم ہو، وہ مجھ سے زیادہ پیسہ کماتا ہوں تاکہ وہ میرے تمام خرچے باآسانی برداشت کرسکے،شادی ایک بہت بڑی ذمہ داری ہے لہٰذا میں جب بھی شادی کروں گی تو کچھ عرصے کے لیے شوبز سے دوری اختیار کرلوں گی۔