کراچی اداکارہ حمیرہ اصغر کے اہلخانہ لاش لینے آج کراچی پہنچے گے
پولیس کے مطابق حمیرا اصغر کے گھر والے ان کی میت وصول کرنے آج لاہور سے کراچی پہنچیں گے جبکہ والد نے لاش وصول کرنے سے انکار کردیا تھا۔
دوسری جانب ڈیفنس فیز 6 کے فلیٹ سے ملنے والی اداکارہ حمیرا اصغر علی کی لاش کا پوسٹ مارٹم مکمل کرلیا گیا ہے۔
اس حوالے سے میڈیکو لیگل آفیسر کے مطابق لاش کا ابتدائی معائنہ کیا گیا ہے،لاش ڈی کمپوز اسٹیج کے ایڈوانس اسٹیج پر ہے
ایم ایل او کا کہنا تھا کہ لاش اس قابل نہیں ہےجس سے وجہ موت بتائی جاسکے البتہ ڈی این اے اور کیمکل ایگزامن کے لیے سیمپل لیے ہیں، سیمپل کے ایگزامن کے بعد حقائق سامنے آئیں گے۔
پولیس حکام کا کہنا ہے کہ اداکارہ حمیرا اصغر کاتعلق لاہور سے تھا، ان کے اہلخانہ سے رابطہ کی کوشش کی گئی لیکن والد کا کہنا تھا کہ ان کا حمیرا سے کوئی تعلق اور رابطہ نہیں تھا۔