راجن پور: سندھ اور پنجاب کے کچے کے علاقے میں ڈاکؤں کا راج قائم ہے، متعدد آپریشن کے باوجود ڈاکؤں کا خاتمہ نہیں کیا جا سکا
راجن پور کےکچے میں تاوان کی رقم وقت پر نہ ملنے پر ڈاکؤں نے 2 مغویوں کو قتل کردیا۔
پولیس کے مطابق رحیم یار خان کے رہائشی دونوں افرادکو 13 روز قبل چھت بنوانےکے بہانے روجھان بلوا کر اغوا کیا گیا تھا۔
ڈاکوؤں نےتاوان میں تاخیر اور مزاحمت پر دونوں مغویوں کو قتل کردیا اور ان کی لاشیں دریا برد کردیں
پولیس کے مطابق مغوی احسن کی لاش کو نکال لیا گیا ہے جب کہ دوسرے شہزاد کی لاش کا نہیں مل سکی ہے۔
رحیم یار خان کے رہائشی مقتول احسن کی نماز جنازہ امیر جماعت اسلامی سراج الحق کی امامت میں ادا کی گئی، سیاسی وسماجی شخصیات سمیت شہریوں کی بڑی تعداد نے شرکت کی۔