ہمارا جو منتخب نمائندہ اپنے حلقے میں نہیں جائے گا وہ گھر جائے گا،خالد مقبول

کراچی: متحدہ قومی موومنٹ (پاکستان) کے کنوینر خالد مقبول نے کہا ہے کہ ہمارا جو ایم این اے اور ایم پی اے اپنے حلقے میں نہیں جائے گا وہ گھر جائے گا۔

کراچی میں یوم تشکر جلسے سے خطاب میں خالد مقبول صدیقی نے کہا کہ 2018 میں جنہیں 14 نشستیں چھین کر دی گئی تھیں وہ کراچی کو پانی کی ایک بوند نہ دے سکے۔

خالد مقبول نے کہا کہ ایم کیو ایم کے علاوہ کوئی اور حل نہیں ہے، اب ایم کیو ایم کے کسی کارکن کو اپنے ہاتھ میں ڈنڈا اور بندوق رکھنے کی ضرورت نہیں، جس نے ایسا کیا اس کی رکنیت منسوخ کر دی جائے گی۔