کراچی اور حیدرآباد میں کل سے گرج چمک کے ساتھ بارش کا امکان

محکمہ موسمیات کے مطابق کراچی میں آئندہ 3 روز موسم گرم اور مرطوب رہنے جبکہ آج بوندا باندی اور ہلکی بارش کا بھی امکان ہے۔

محکمہ موسمیات کا کہنا ہے کہ آج شام یا رات سے 9 جولائی تک دادو، جامشورو، قمبر، تھرپارکر، عمرکوٹ، لاڑکانہ، جیکب آباد اور کشمور میں آندھی اور گرج چمک کے ساتھ بارش متوقع ہے۔

کراچی اور حیدرآباد میں بھی کل سے 9 جولائی کے دوران گرج چمک کے ساتھ بارش کا امکان ہے جبکہ ٹھٹھہ، سجاول اور بدین میں بھی کل سے 9 جولائی تک آندھی اور گرج چمک کے ساتھ بارش ہو سکتی ہے۔