بنوں میں مسلح افراد کے حملے میں اسسٹنٹ کمشنر سمیت 4 افراد شہید
بنوں میں مسلح افراد کے حملے میں اسسٹنٹ کمشنر شمالی وزیرستان سمیت 4 افراد شہید ہو گئے۔
رپورٹس کے مطابق پولیس کا کہنا ہے کہ بنوں میں میرانشاہ روڈ فلور ملز کے قریب مسلح افراد نے پولیس گاڑی پر حملہ کیا۔
پولیس نے ابتدائی طور پر بتایا کہ مسلح افراد کے حملے میں 2 پولیس اہلکاروں سمیت 3 افراد جاں بحق اور 2 پولیس اہلکار زخمی ہوئے جبکہ نامعلوم مسلح افراد زخمی پولیس اہلکاروں سے اسلحہ بھی لے گئے۔