اسلام آباد کی انسداد دہشتگردی عدالت نے وزیراعلیٰ خیبرپختونخوا علی امین گنڈا پور اشتہاری قرار دے دیا ہے
انسداد دہشتگردی عدالت نے تھانہ آئی نائن میں درج مقدمے میں وزیراعلیٰ کے پی کے علی امین گنڈا پور کو اشتہاری قرار دیا
عدالت سے جاری حکم نامے کے مطابق علی امین گنڈا پور کو اشتہاری قراردینے کے بعد کیس کے دیگر ملزمان سے الگ کردیا گیا ہے
ملزمان راجہ راشد حفیظ،واثق قیوم،راجہ خرم نواز،فیصل جاوید اورعمر تنویر کے ناقابل ضمانت وارنٹ گرفتاری جاری کردئیے گیے۔
تمام غیر حاضر ملزمان کے وکلاء سردار مصروف،مرتضی طوری،زاہد بشیر ڈار نے حاضری سے استثنی کی درخواست دائر کی۔
عدالت نے غیرحاضر ملزمان کی حاضری سے معافی کی درخواست مسترد کرتے ہوئے ضمانتی مچلکے بھی منسوخ کردیے