اسلام آباد: ڈسٹرکٹ اینڈ سیشن کورٹ اسلام آباد میں کیس کی سماعت ایڈیشنل سیشن جج ظفر اقبال نے کی۔سماعت کے آغاز پر وکیل خواجہ حارث نے کہا کہ جلد سماعت مقرر کرنے کا جواز کیا ہے؟
وکیل فیصل چوہدری نے کہا کہ الیکشن کمیشن کی مرضی سے 29اپریل کی تاریخ لی۔ 2 دن بعد الیکشن کمیشن کو خیال آیا کہ تاریخ جلد مقرر کریں
کیس کیس سماعت کے دوراں الیکشن کمیشن کے وکیل امجد پرویز نے کہا کہ ہم تو 2 دن کی تاریخ مانگ رہےتھے، ایک ماہ کی نہیں۔
وکیل خواجہ حارث نے عدالت میں دلائل دیتے ہوئے کہا کہ عمران خان کے خلاف کیس ڈسٹرکٹ الیکشن کمشنر نے دائر کیا۔
انہون کہا کہ پیپلز پارٹی کے رہنما علی حیدرگیلانی کے خلاف بھی الیکشن کمیشن نے پرائیویٹ شکایت دائر کی ہوئی ہے۔ علی حیدرگیلانی کے خلاف کیس گزشتہ سال دائر کیاگیاتھا۔ ایک سال ہوگیا اور علی حیدرگیلانی کے کیس میں اب تک فردجرم عائد نہیں ہوئی
وکیل خواجہ حارث نے کہا کہ ایسی کیا بات ہےکہ الیکشن کمیشن عمران خان کے خلاف کیس میں زیادہ دلچسپی ظاہر کررہا ہے؟عدالت نے فریقین کے دلائل سننے کے بعد مسترد کردی۔