راولپنڈی: پاکستان تحریک انصاف کے وائس چیئرمین شاہ محمود قریشی نے کمرہ عدالت میں پولیس تشدد کا بیان دیتے ہوئے روپڑے۔
جوڈیشل کمپلیکس میں ڈیوٹی ایڈیشنل اینڈ سیشن جج سید جہانگیر علی نے شاہ محمود کی جسمانی ریمانڈ کی درخواست پر سماعت کی۔
پولیس نے سابق وزیر خارجہ کو ہتھکڑیاں لگا کر پیش کیا، جج نے کمرہ عدالت میں ان کی ہتھکڑی کھلوا دی۔
پراسیکیوشن ٹیم نے 30 دن کے جسمانی ریمانڈ کی استدعا کرتے ہوئے کہا کہ شاہ محمود قریشی نے نو مئی کو عوام کو احتجاج کے لئے اکسایا۔
شاہ محمود قریشی نے روسٹرم پر آکر کہا کہ مجھے جھوٹے مقدمہ میں پھنسایا گیا، ایس ایچ او جمال نے مجھے لاتیں اور گھونسے مارے، پاکستان تحریک انصاف کے رہنما پولیس تشدد کا بیان دیتے ہوئے روپڑے۔
عدالت نے سانحہ 9 مئی کے مقدمات میں شاہ محمود قریشی کے جسمانی ریمانڈ کی درخواست مسترد کرتے ہوئے انہیں جوڈیشل ریمانڈ پر اڈیالہ جیل بھیجنے کا حکم دے دیا۔