اسلام آباد:عالمی مالیاتی ادارے (آئی ایم ایف) کی شرط کو سامنے رکھتے ہوئے نگران حکومت نے اخراجات میں کمی کا بڑا فیصلہ کرلیا۔
ذرائع کے مطابق صرف جاری ترقیاتی منصوبوں کی مالی ضروریات کو پورا کیا جائے گا، نئے ترقیاتی منصوبے شروع نہ کرنے کا فیصلہ کیا گیا ہے۔
ذرائع کا کہنا ہےکہ بجلی،گیس،گندم اور کھاد کی سبسڈی میں صوبوں سےآبادی کے تناسب سے حصہ لینےکا فیصلہ کیا ہے، ملک کی مشکل مالی صورت حال دیکھتے ہوئے یہ فیصلہ کیا گیا ہے اور خصوصی سرمایہ کاری سہولت کونسل نے بھی تجویز کی حمایت کی ہے۔