اسلام آباد: کابینہ کی اقتصادی رابطہ کمیٹی(ای سی سی)نے ملک میں جاری مہنگائی کنٹرول کرنے کیلئے چار وفاقی سیکرٹریز پر مشتمل کور گروپ قائم کردیا۔
کابینہ کی اقتصادی رابطہ کمیٹی کا اجلاس نگران وزیرخزانہ ڈاکٹر شمشاد اختر کی زیرصدارت ہوا
اجلاس میں وزارت خزانہ، پلاننگ، تجارت، فوڈ سکیورٹی، انڈسٹریز پروڈکشن توانائی کے حکام شریک ہوئے۔
اجلاس میں مہنگائی کنٹرول کرنے کیلئے چار وفاقی سیکرٹریوں پر مشتمل کور گروپ قائم کر دیا گیا جس میں سیکرٹری پلاننگ، سیکرٹری انڈسٹری پروڈکشن، سیکرٹری تجارت، سیکرٹری فوڈ سیکورٹی کمیٹی میں شامل ہوں گے۔